AKỤKỌ ỊHỤNANYA M

AKỤKỌ ỊHỤNANYA M

Ịhụnanya bụ otu n'ime ihe na-enyere mmụọ na mmadụ aka

Mana anaghị ahụ ya anya

Ị chọrọ ịmata nke a nke ọma

Nwanne m hie asaa n'anya gị

Akụkọ ịhụnanya m bụ nke na-abanye na mmụọ nakwa n'ọkpụkpụ

Onye nke m, onye ụwa mụ na ya bụ otu

Ikechukwu ụwa m

Bịarute nso, bịa tie m obi gị

Elechara m anya n'ụwa niile 

M wee kwenye na mụ ga-abụ nke  gị

Ma n'ọkọchị ma n'udummiri 

N'ezịe ị bụ isi a hụrụ kwawa okpu.

Ị bụ dinta gbaturu obi m

Ego ga-abịa 

Akụ na ụba ga-abụ nke anyị

Udo ga-adịrị anyị

Esomokwu ga-agbara anyị ọsọ

N'ihi na ịhụnanya bụ ụzụ kpụrụ anyị

Ihe niile eji enyere ndụ aka

Ga-abụ nke anyị

N'ihi na ha na-abịa n'ebe ịhụnanya dị.

Ị maara ihe ga-eme 

Ka anyị biri n'udo

Biko bịa gwa m

Chetakwa na ihe Chukwu dere 

O deechala ya.

Abụ m nke Ikechukwu

Ikechukwu bụkwa nke m.

Odee:

Nwaada Chinasa Nkwo Udensi

ADA UDUMEZE

#Adaudumezeconcept

#Igboamaka

#Igbofacts

#Onlinetalkshow

#Gossip