ALA AJỤRỤ AJỤ

ALA AJỤRỤ AJỤ

Amaara m Amaara m

Amaara m ala ọma ahụ

Tupu nnwereonwe ha

Ha bụ ndị nweere onwe ha 

Ihe dịka afọ iri isii na ụma

Ha chere na 

Ọ bụ na nnwereonwe

Ka ụwa biri

Oji onye n'ala 

Ọ bụ onwe ya ka o ji

Mpụ na arụ amụọla ụmụaka

N'ala a nweere onwe ya

Ịla ndụ n'iyi abụrụla omenala 

Nkwanye ùgwù na nsọpụrụ

Abụrụla nke ụmụanụmanụ

Udo, ịhụnanya, ịdịnotu

Ejirila ọsọ gbaga n'ala ndị ọzọ

Obodo bụ igwe

Ndị bi na ya bụrụ agaghị aga

Mba, ndị bi na ya bụ ayọn

Atọ etinyere ise bụ asatọ

Anọ etinyere anọ bụkwa asatọ

Ụzọ esi amịcha aka juru eju

Ma bara abara

Ewu na ọkụkọ na-azọzi 

Ndụ ha na ezinụlọ ha

Ahụhụ akwọchaala ụfọdụ isi

Ụwa anyị n'ala a

Abụrụla ụwa ntaramahụhụ

Ụwa a bụziiri anyị ndọlị ndọlị

Kama anyị ga-anwụ 

Ka anyị dọlịwa

Ọ dịkata njọ taa

Ọ ga-adịrịrị mma echi.

Odee: Nwaada Chinasa Nkwo Udensi

ADA UDUMEZE

#Adaudumezeconcept

#Igbofacts

#Igboamaka

#Onlinetalkshow

#Gossip