ỤWA ISI UKWU (POEM)

ỤWA ISI UKWU 

Ụwa dị ụtọ ma dịkwa ịtụnanya

Ọtụtụ ihe juru n'ụwa a

Ụfọdụ bụ ndị na-enyere ndụ aka

Ebe ụfọdụ na-akpọkwa ndụ ọkụ

Ụwa a bụ onye maara asụ, ọ sụọ n'ikwe

Onye na-amaghị asụ, ọ sụọ n'ụkwụ ya.

Onye mmiri ụwa juru n'ụlọ ya 

Anaghị anụ ụtọ mmanụ aṅụ

Ihe niile na-atọ ya ka akị ilu

Ndị ọzọ kọrọ gbagoo n'elu

Ọ na-abọ ala ka ọkụkọ

Ụwa na-adị ya ka ihe nkiri

Nkatọ ejupụta ya n'obi.

Onye ụwa saara ọba aka ya

Ka nzu na-ejupụta n'obi ya

Ekpere ya mgbe niile abụrụ

Ka ụwa ghara ịgwụ agwụ

Oriri na ọṅụṅụ abụrụ aha ikpeazụ ya

Obi ya agbasaa ka kpakpando

Ụwa a bụ ahịa

Ejighị ike azụ ya

N'ihi na ọbịara ije nwe ụla

Were obi ọma soro ụwa

N'ọnọdụ ọbụla I nwetara onwe gị

Biko chetakwa na ọ gaghị adịgide.

Ekpere bụ ọgwụ kachasị.

Odee:

Nwaada Chinasa Nkwo Udensi

Ada Udumeze

#Adaudumezeconcept

#Igbofacts

#Igboamaka

#Onlinetalkshow

#Gossip

#Poem