IGBO POEM (BỤRỤ NKE NAANỊ M)

 BỤRỤ NKE NAANỊ M

Ụtọ ndụ m ka ị bụ,

Dịka nri etinyere ńnú,

Ihe m ka ị bụ n'ọchịchịrị m niile,

Bịa bụrụ ọkpụkpọ nke ndụ m,

Ka ụwa m zuo okè dịka Odogwu.

Ihe niile Chukwu kere,

Nwere mmeju ya,

Nwaanyị bụ mmeju nwoke,

Biko, bịa mejuo m mmirimma m,

Enwere m anya abụọ,

Mana naanị gị ka m na-ahụ,

Obi m na-etikwara sọnsọ gị ugo m.

Bụrụ nke naanị m,

Ka ọṅụ anyị zuo okè,

Ka ịhụnanya anyị gbasaa,

Ụzọ anyị ga-adị ka ụzọ mmiri,

Ịhụnanya anyị ga-eru na nkà,

Udo na ọṅụ ga-agbara anyị akaebe,

Ma ị bụrụ nke naanị m.

Odee: Odz. Chinasa Ndukwe

Ada Udumeze

 (Ode Vam Vam Vam) ©

18/06/23

#adaudumezeconcept 

#adachinasa 

#adaudumeze 

#Igbogaadị 

#igbopoetrychallenge 

#igbodịụtọ 

#ịmaakaabụigbo 

#igbopoetrychallenge 

#IgboAmaka 

#akụkọndịigbo 

#igbo 

#ndiigbo

#ndịigbo 

#asụsụigbo #igbolanguage 

#Ohaneze