MMIRI NDỤ

MMIRI NDỤ

Ụwa niile bụrụ obi m

Naanị ihe ndị ị ga-ahụ 

Ga-abụ ụtọ m, Ịhụnanya m

Obiọma m, udo m nakwa

Ịdịnotu nke mụ na gị

Mmiri ndụ m ka ị bụ

Ọ nweghị mgbe ị dịghị m oke mkpa

Ihe niile gbasara gị bụ sọ mma

N'ụtụtụ ị na-ajụ m ezigbo oyi

Ị bụ daachị ma bụrụkwa ọpụrụiche na mmiri ndị ọzọ

Mmiri ndụ m ka ị bụ

N'ihi na ihe niile banyere gị

Na-eme m nwatịtị n'obi

Ahụ m niile na-ama jijiji

Mgbe ọ bụla i metụrụ m aka

Obi na-emekwa m pookom pookom

Mgbe ọbụla m bịara gị nso mmiri ndụ m

Ị bụ mmiri ndụ m

Ma bụrụ anyammiri ndị ọzọ

N'ihi na ebe obi gị dị

Ka anya gị na-adị 

Ị nọ m nso 

Ma nọrọ ndị ọzọ n'ebe tere aka.

Odee:

Nwaada Chinasa Nkwo Udensi

ADA UDUMEZE

#Adaudumezeconcept

#Igbofacts

#Igboamaka

#Onlinetalkshow

#Gossip

#POEM