ỌNWỤ

ỌNWỤ

Onyeọbịa anaghị akpọ òkù

Ọ zaa mgbe a na-akpọghị ya

O nweghị onye na-akpọ gị enyị ya

Mana ị bụ enyị mmadụ niile

Onye ukwu na-agbara gị ọsọ

Onye nta na-agbara gị ọsọ

Mana onye ukwu na onye nta ka ị na-eri

Anaghị eri gị aka azụ

N'ihi na onye ị chọrọ ka ị na-akpọrọ 

Akaọrụ gị emeela ọtụtụ ụmụaka ihe akaja

Ụfọdụ ha bụ ndị a na-edugbu n'ozi

Ebe ụfọdụ ha na-amịcha ahụhụ

Ka obere nwa si amịcha aka ya

O mere ụmụ ọgaranya ha bụrụ ogbenye

Ndị na-eri n'elu na-erizi n'ala n'ihi gị

Oké ọchịchịrị agbaala n'anya ụmụ mmadụ

N'ihi mkpamkpa ị kpara na mberede

Ihe ntọchị niile na-ebutezi oke anyammiri

N'ezinụlọ ụfọdụ n'ihi akaọrụ gị n'ezinụlọ mmadụ

Ụwa dị egwu ma dịkwa omimi

Mmiri na-ezo na nke Okafọ 

Ebe nnukwu anwụ na-eti na be Okonkwọ 

Ọnwụnwa bịara gị, biko kpọwa Akajiụwa 

Ọnwụ bụ ihe dịrị mmadụ niile

Mana oge anyị ga-anwụ bụ ihe dị iche iche.

Odee: Nwaada Chinasa Nkwo Udensi

ADA UDUMEZE

#Adaudumezeconcept

#Igboamaka

#Igbofacts

#Onlinetalkshow

#Gossip