ỤWA MỤ NA CHI M

ỤWA MỤ NA CHI M.

Ụwa m dị ụzọ abụọ

Otu ụzọ ụwa m bụ na mmụọ

Nke ọzọ abụrụ na mmadụ

N'ezịe, otu nne na-amụ 

Mana Chi na-eke dị iche iche 

Chi m dị iche na Chi ụmụnne m na ụmụnna m

Ụwa m pụrụ iche ma gbakwaa ndị mmadụ gharị

Naanị Chi m mazuru m

Site na ntụtụisi m ruo na mbọ ụkwụ

Amara ya ka m ji asa ahụ

Ma yiri ịhụnanya ya ka uwe mgbada 

Ọnọdụ m niile doro ya anya

Karịa mụ onwe m.

Ebe ọbụla m nwetara onwe m

Ọ na-asara m okwu

Dịka aha m siri dị CHINASAOKWU

Mgbe ọbụla m nwere nsogbu

Ọ na-azọpụta m dịka CHIZỌBAM

Mgbe m nọ na mkpa 

Ọ na-enyere m aka dịka CHINYEREM

Ọpụpụ na mbata m na-abụ IJEOMA 

N'ezịe, ndụ m dị ya n'aka

Ya bụ CHIJINDỤM.

Odee: Nwaada Chinasa Nkwo Udensi

ADA UDUMEZE

#Adaudumezeconcept

#Igboamaka

#Igbofacts

#Onlinetalkshow

#Gossip